Бугунги кунда адабий меросимизни ўрганиш, тарихимизни холисона ёритиш орқали ўсиб келаётган ёш авлодга бу — бой хазинанинг қадри нақадар улуғлигини етказиш муҳим вазифалардан бири. Унда ҳар бир маърифатпарварнинг ўз ҳақиқати ва бунёдкор ғоялари мавжуд бўлиб, бундан баҳраманд бўлиш, маънавий озуқа олиш, илгари сурган ибратли фикрлари руҳиятимизга куч-қувват бағишлаши табиий. Ана шундай илмий-маънавий мероси билан бизга ибрат бўлган, халқимиз, қолаверса, ёшларга катта маърифий мерос қолдирган адибларимиздан бири — буюк маърифатпарвар Маҳмудхўжа Беҳбудийдир.

Буюк аждодимиз Маҳмудхўжа Беҳбудий ҳақида фикр юритар эканмиз, кўз ўнгимизда унинг ҳақиқатпарварлиги, эл-юрт тараққиёти, илм-маърифат ривожига қўшган тенгсиз ҳиссаси гавдаланади. Олимлар, ёш-тадқиқотчилар томонидан маърифатпарвар илмий-маънавий меросини чуқур ўрганиш бугун ҳам давом этиб, янги босқичга кўтарилмоқда.

Яқинда Ўзбекистон халқаро ислом академияси “Ислом иқтисодиёти ва халқаро муносабатлар” факультетининг “Миллий ғоя, маънавият асослари ва ҳуқуқ таълими” йўналишини муваффақиятли тамомлаган талаба Фозилхон Носиров ўзининг “Мaҳмудхўжa Беҳбудий илмий меросининг ёшлaр тaрбиясидa тутгaн ўрни” мавзусидаги битирув малакавий диплом ишида ҳам улуғ маърифатпарварнинг ҳаёт ва ижод йўлини чуқур ўрганиб, таҳлил этди.