Alisher Navoiy nomidagi O‘zbekiston Milliy bog‘ida joylashgan Adiblar xiyobonida  “Qadriyatlarimiz — o‘zligimiz ko‘zgusi” mavzusida ma’naviy-ma’rifiy tadbir o‘tkazildi.

O‘zbekiston xalqaro islom akademiyasi Yoshlar bilan ishlash, ma’naviyat va ma’rifat bo‘limi,  “Arab tili va adabiyoti Al-Azhar” kafedrasi, Xotin-qizlar bo‘limi hamkorligida tashkil etilgan tadbirda professor-o‘qituvchilar, adabiyotshunoslar,  Xalqaro islom akademiyasi Akademik litseyi o‘qituvchi va o‘quvchilari hamda talabalar ishtirok etdi.

Davra suhbatida Mahmudxo‘ja Behbudiyning “Bizni kemirguvchi illatlar” sarlavhali maqolasining mazmun-mohiyati, unda alohida e’tibor qaratilgan muhim masalalar, jamiyat rivoji uchun aytilgan qimmatli fikrlar va maqoladagi mohiyat bugungi davr uchun ham o‘z dolzarbligi bilan ahamiyatli ekani haqida so‘z bordi.

Davlatimiz rahbari 1-oktabr – O‘qituvchi va murabbiylar kuni munosabati bilan o‘tkazilgan uchrashuvda Vatan istiqloli, xalqimizning ozodligi va erkinligini ta’minlash yo‘lida fidokorlik ko‘rsatgan Abdulla Avloniy, Munavvarqori Abdurashidxonov kabi ma’rifatparvar ajdodlarimiz qatori Mahmudxo‘ja Behbudiyni ham “Buyuk xizmatlari uchun” ordeni bilan taqdirlagani alloma shaxsiyatini yuqori bosqichga olib chiqdi. Qolaversa, Prezidentimizning Alisher Navoiy nomidagi O‘zbekiston Milliy bog‘ida barpo etilgan Adiblar xiyoboniga qilgan tashrifidan so‘ng yoshlar orasida buyuk mutafakkirlarning hayoti va ijodini chuqur o‘rganish, ular tomonidan qoldirilgan ilmiy-ma’naviy merosga bo‘lgan qiziqish yanada ortdi.

Shu maqsadda O‘zbekiston xalqaro islom akademiyasi tomonidan Behbudiyning “Ikki emas, to‘rt til lozim” nomli maqolasini targ‘ib etishga qaratilgan “Til bilgan – el biladi” mavzusida davra suhbati bo‘lib o‘tdi. Adiblar xiyobonida joylashgan Mahmudxo‘ja Behbudiy haykali yonida o‘tkazilgan ma’naviy-ma’rifiy uchrashuvda o‘zbek jadidchilik harakati yetakchisining hayoti va ijodi, milliy ta’lim va tarbiya tizimini yaratishga qo‘shgan beqiyos hissasi xususida so‘z yuritildi.

Davlatimiz rahbari 1-oktabr – O‘qituvchi va murabbiylar kuni munosabati bilan o‘tkazilgan uchrashuvda Vatan istiqloli, xalqimizning ozodligi va erkinligini ta’minlash yo‘lida fidokorlik ko‘rsatgan Abdulla Avloniy, Munavvarqori Abdurashidxonov kabi ma’rifatparvar ajdodlarimiz qatori Mahmudxo‘ja Behbudiyni ham “Buyuk xizmatlari uchun” ordeni bilan taqdirlagani alloma shaxsiyatini yuqori bosqichga olib chiqdi. Qolaversa, Prezidentimizning Alisher Navoiy nomidagi O‘zbekiston Milliy bog‘ida barpo etilgan Adiblar xiyoboniga qilgan tashrifidan so‘ng yoshlar orasida buyuk mutafakkirlarning hayoti va ijodini chuqur o‘rganish, ular tomonidan qoldirilgan ilmiy-ma’naviy merosga bo‘lgan qiziqish yanada ortdi.

Ўзбекистон халқаро ислом академияси томонидан Алишер Навоий номидаги Ўзбекистон Миллий боғида барпо этилган Адиблар хиёбонидаги Маҳмудхўжа Беҳбудий ҳайкали ёнида адиб ҳаёти ва ижодига бағишланган давра суҳбати бўлиб ўтди.

Унда Академия Илмий ишлар ва инновациялар бўйича проректори З.Исломов, Магистратура бўлими бошлиғи М.Рахимжонов, “Чет тиллари” кафедраси ўқитувчилари – филология фанлари номзоди, доцент С.Чиниева, катта ўқитувчи Д.Мўминова ҳамда талабалар иштирок этди.